عَ الخط هو منهج من سبع دروس مصمم بطريقة تساعدك على تقديم الدرس بطريقة فعالة للطفال .. مش مجرد قصة كتابية ونشاط لكن أعمق من كده بكتير ..
مرات كتيرة بنسأل نفسنا: ليه الأطفال مش بيبان عليهم التغيير في سلوكهم وحياتهم؟ .. ليه التعاليم السلوكية والنصح اللي بيسمعوه مش بيأثر فيهم؟ الإجابة بكل بساطة لأن التغيير في الخارج بيبدأ من تغيير في الداخل، والتغيير في الداخل بيتم عن طريق عمل الروح القدس في حياة الإنسان (اللي هو الطفل في مدارس الأحد).
الأطفال مش هاتتغير لأننا عرفناهم الصح من الغلط لكن هاتتغير لما يكون لهم علاقة مع الله عن طريق الصلاة .. علاقة شركة حقيقية وصلاة دايمة مش كلمات محفوظة وخلاص.
إحنا عارفين قد أيه أنت بتحاول تخلي أطفالك أفضل ومقدرين ده، عشان كده بنقدملك المنهج ده عشان تصلي وتتعلمه الأول فتتغير وتقدر تعلمه لأطفالك فيتغيروا كمان.
إعداد: رأي لجنة مدارس الأحد لجمعيات خلاص النفوس
